Fe de Ratas estrena'l so nuevu discu

Na web de la banda podemos descargar un single del nuevu discu de "Fe de ratas", que se presenta la selmana qu'entra.

Col títulu de "Tus demonios y yo" va presentase'l próximo 19 de febreru'l nuevu cd de "Fe de Ratas", la presentación va facese con una actuación en directo nel FNAC de "Parque Principado" a les 20:00h. El discu d'estos yá veteranos de la escena musical asturiana edítalu la discográfica "Santo Grial", y va tener una campaña promocional importante qu'incluye por exemplu la emisión del so últimu videu na canal de televisión "Sol Música". Los horarios a los que se van emitir el videu son, vienres día 11 de febreru a les 11:54, 16:26 y 23:32, el sábadu día 12 a les 7:39, 12:00 y 17:57 y el domingu 13 a les 11:34, 16:26 y 23:32. Con too y con ello, y pa sentir yá un aperitivu del discu, la banda ufierta la posibilidá de descargar na so páxina web el single "Tu tranquilo y a lo tuyo" del so nuevu discu.