UGT de Catalunya critica l'usu eleutoralista de la inmigración

"UGT de Catalunya y l'Asociación Amic criticaron esti vienres la ""visión utilitarista"" de la inmigración qu'usen los partíos na campaña de les elecciones xenerales, exemplificada col ""contratu"" propuestu pol líder del PP, Mariano Rajoy, pa que les persones que qu'acaben de llegar se comprometan a respetar les lleis y pagar los impuestos, ""como si cualesquier persona que viva nel país nun tuviera yá obligada a siguir la llei"".

Asina mesmo dambes entidaes consideraron ""absurda"" la propuesta de qu'esti contratu los obligue a respetar les costumes, yá qu'implicaría dicir ""qué ye y qué nun ye costume nacional"". Pa ellos, esta iniciativa ""namás"" quier atropar más votos, ""aprovechando que'l coleutivu de persones estranxeres nun pue espresase nes urnes"".

UGT y Amic llamentaron tamién los mensaxes ""que llamen al mieu y esparden los prexuicios"", que siguen cuando fina la campaña y que ""van destruir"" la xera de concienciación fecha poles organizaciones. Por ello, convidaron a los partíos a tratar nes elecciones ""el fenómenu de la inmigración con rigor y respetu""."