65 pueblos zarraos pola ñeve

La fola de fríu qu'ataca Asturies tien a última hora d'esta mañana 65 pueblos zarraos pola ñeve, según informa Delegación del Gobiernu. Nueve puertos tan tamién trancaos al tráficu y son precises les cadenes en 18 carreteres .

65 pueblos asturianos tan zarraos pola ñeve esti 27 de xineru por culpa de la ñeve, según informa la Delegación de Gobiernu, que trabaya con datos de les comandancies de la Guardia Civil. La ñeve tien trancaes nestos pueblos a 1.779 persones. Estos pueblos tan nos conceyos d'Ayande, Cabrales, Cangas del Narcea, Casu, Grandas, Ibias, les dos Peñamelleres, Ponga, Teverga, Tinéu y Siero

Delegación de Gobiernu informa que la fuelga de los gruistes nun ta notándose y qu'esiste un alcuerdu pa la retirada de los coches averiaos de les carreteres. 9 puertos de montaña siguen trancaos a la circulación y precísense cadenes n'otros 18 tramos de carretera, anque la conexón cola meseta ta garantizada, y tan abiertos el pasu pel Puertu Payares y tamién pela autopista del Val.le Güerna, lo mesmo pa coches que pa camiones y tamién pa remolques

Ver l'estáu de les carreteres actualizáu na web de la DGT