Cuesta diz que van estudiar les alegaciones al trazáu Sama-Velilla

"El númberu ún de la candidatura del PSOE pal Congresu los Diputaos por Asturies, Álvaro Cuesta, señaló na tarde del vienres que les 25.000 alegaciones presentaes al trazáu actual de la llinia d'alta tensión Sama-Velilla ""tienen de tener un fondu estudiu"", anque sorrayó que'l proyeutu yera ""perimportante pal Principáu"". ""El mio puntu de vista ye bien nidiu"", dixo Cuesta, ""apostamos pol trazáu Sama-Velilla y dende llueu entendemos que ye una prioridá porque esta rexón ye productora d'enerxía y tolo que seya alcontrar los caminos pa poder esportala son propuestes fundamentales"" dixo en representación de la Federación Socialista Asturiana.

Por embargu, Cuesta señaló que nel procesu d'alegaciones rexistráronse un total de 25.000 ""que tán estudiándose"" y que ""puen dar llugar a camudar o iguar parcialmente'l trazáu""."