21 conceyos pidieron la revisión de la so toponimia

Cangas del Narcea y Avilés son los dos últimos conceyos que-y pidieron a la Xunta de toponimia del Principáu d'Asturies la revisión de los sos topónimos. Pela so parte, la Oficina de política Llingüística tien ente los sos oxetivos el tener una entrevista col conceyal de cultura d'Uviéu, Alfonso Román, col oxetivu d'estudiar la posibilidá de la revisión de la toponimia del conceyu y l'aniciu de midíes normalizadores na capital asturiana y segundu conceyu del país en númberu d'habitantes.

De concretase en daqué midida, terminaría con ello d'abrise un tiempu nuevu pa la normalización n'Uviéu dempués de que la otra selmana, el conceyal de mocedá Gerardo Antuña diere anuncia de la esistencia de contactos cola Academia de la Llingua Asturiana con vistes a estudiar la toponimia del conceyu y entamar tamién midíes d'espardimientu y normalización del idioma ente les que figura la posible creación d'un premiu lliterariu col sofitu del conceyu.