Narbona inagura'l Primer Congresu d'Agricultura y Cambéu Climáticu

"La ministra de Mediu Ambiente, Cristina Narbona, inagurará esti xueves en Santiago de Compostela'l Primer Congresu sobre "Mediu Rural, Agricultura y Cambéu Climáticu", nel que participaran unes 500 persones, ente agricultores, ganaderos, téunicos ya investigadores venceyaos al mundu rural. L'oxetivu fundamental ye alcontrar les ferramientes p'adautase al cambéu climáticu nes dixebraes estayes del campu gallegu (ganadería, viticultura, agricultura y forestal).

Nel foru van participar espertos internacionales que sorrayarán el papel que tien l'actividá agroganadera p'amenorgar los efeutos del cambéu climáticu nuna comunidá que, tal y como amuesen los datos, ye ""especialmente vulnerable al cambéu climáticu, subiendo la so temperatura media 1,45 graos énte los 0,6 de la media mundial"".

L'aportación de l'actividá agroganadera na llucha escontra'l cambéu climáticu alcuéntrase na posibilidá d'aportar combustibles renovables y alternativos como la ""biomasa"", qu'amás xeneren riqueza y suban la renta del mediu rural. Poro, considérase que dende esti puntu de vista a la xente'l campu ábrese-y una ""oportunidá""."