L’Ensame pola oficialidá entama una “cacerolada”

L'asociación "Ensame Pola Oficialidá" da anuncia del entamu d'una campaña pola reivindicación de la oficialidá del asturianu que va entamar con una "cacerolada" énte la Xunta Xeneral del Principáu d'Asturies. La convocatoria ye pal sábadu 8 de xineru a les 12'30 h.

L'actu de protesta va acompañase de discursos a cargu del delegáu sindical del SUATEA y director del Centru Rural Agrupáu "Juan Pérez Avello" de Valdés Norberto Martín, el dibuxante y etnógrafu Berto Álvarez Peña y la presidenta del Ensame pa la Oficialidá de la Llingua d'Asturies Ana Fernández.

Los organizadores conviden a participar aportando "dalgún cacíu que de bon ruxir" y dan anuncia de la presentación a los grupos parllamentarios del PSOE, IU y PP d'una petición pa qu'enxerten yá un artículu reconociendo la oficialidá del asturianu nel Estatutu d'Asturies