El Gobiernu central cuenta remocicar el Palaciu los Hevia

"Los Ministerios de Fomentu y de Cultura alcordaron destinar una partida de 1.341.482 euros en remocicar el Palaciu de los Hevia en Villaviciosa. Esta actuación va ser financiada coles subvenciones que vienen de los fondos del 1% Cultural. La partida que'l Gobiernu central destina al Palaciu de los Hevia supón el 75% del total del proyeutu d'intervención presentáu pol Ayuntamientu de Villaviciosa, que sumaría 1.788.643 euros.

Con estes perres cuenta remocicase totalmente esti históricu edificiu d'orixe baxumedieval asitiáu na cai Caveda y Nava de La Villa. El Palaciu de los Hevia ye perconocíu por ser residencia temporal de Carlos I dempués de desembarcar nel puertu de Tazones.

Asina mesmo nel aconceyamientu que celebró la Comisión Mesta esti martes, alcordóse financiar con 255.200 euros el cambéu de la llinterna que pue visitase del Faru del Cabu Peñes, en Gozón, nuna actuación que fuera solicitada por Puertos del Estáu."