Segundu discu de Fardaxu

Sal a la venta el segundu discu d'esti grupu de folk arxentino-asturiano.

Fardaxu ye un grupu folk d'arxentina formáu por Batería: Julio Rodríguez Simón, baxu: Pablo Díaz Canto, pianu y igües: Gabriel Mourelos, gaita: Andra Llao, flauta y saxo: Leandro Feigín, guitarra: Rubén Casas, percusión: Diego Soria, teclaos: Matías Feigín. Basan la so música na música tradicional asturiana, y nel folk asturianu de los últimos 20 años. Los temes del so segundu discu, "Revolución Celta" son polo xeneral tradicionales asturianos con igües (na orquestación). Na grabación participó xente tan conocío como Daniel García de la Cuesta, Flavio Benito, el grupu de Cantareiras Xoldra de la fundación Xeito Novo y Arturo Schneider, flautista integrante de la orquesta d'Astor Piazzolla. El discu va presentáse nel Auditoriu de Belgrano de la ciudá de Buenos Aires el 23 d'agostu y el primer fin de semana de payares.

Esti "Revolución Celta" ye'l segundu discu d'esta formación que debutó con "Fardaxu", del que consiguieron vender dos mil copies n'Arxentina. Si vos peta conocer más coses sobre esti grupu podéis visitar la so web nesta dirección.