El Gobiernu Asturianu camuda de plataforma tecnolóxica

El Gobiernu d´Asturies ta entamando un procesu de cambéu de la so plataforma tecnolóxica nun intentu d´avanzar hacia el gobiernu electrónicu. El cambéu afecta a toles conseyeríes del Gobiernu y a tolos entes y organismos dependientes de l´Alministración Asturiana. El sistema informáticu nuevu encóntase nos paquetes SAP especialmente empobinaos a l´Alministración Público. Ente los oxetivos a algamar con estos nuevos sistemes informáticos son meyorar la xestión público y una xuba de la eficacia, eficiencia y calidá del serviciu. Les soluciones SAP que va mercar el Gobiernu Asturianu son les dedicaes a compres, finances y xestión público.

Dientro d´esti cambéu hai un proyeutu lloxísticu que va dende´l aprovisionamientu pasando pola xestión contable que va permitir facer comparatives de precios ente productos y proveedores. Y too ello na rede tanto en Intranet como estranet. Los hospitales asturianos y en xeneral el Serviciu de Salú d´Asturies (SESPA) van ser un de los entes más beneficiaos polos nuevos sistemes informáticos. Tamién ta previsto que se diseñe y entame a furrular dalgún portal d´internet rellacionáu cola xestión público asturiana.

Les empreses Ibermática y Informática El Corte Inglés (IECESA) son les afortunaes en conseguir el millonariu contratu pa modernizar los sistemes d´información de l´Alministración Asturiana. La duración del proyeutu ye de catorce meses anque'l contratu tamién incluye´l mantenimientu de tolos sistemes informáticos de l´Alministración hasta el añu 2007. Nenguna empresa asturiana participa del perimportante contratu, colo que demuestren lo mesmo'l baxu nivel tecnolóxicu del país como'l pocu interés en contar con empreses asturianes por parte del Gobiernu d´Areces.