Datos sobre la emigración asturiana

El sindicatu Comisiones Obreres d'Asturies, que l'añu pasáu revolvió conciencies cuando dio'l datu de que 18.000 asturianos tuvieren que salir del país pa buscar trabayu fuera, dio ayeri otra nueva estadística sobre la emigración llaboral asturiana. Según CCOO, un total de 57.000 asturianos y asturianes lleven marchando dende setiembre del 2.000 pa trabayar n'otres comunidaes del estáu, mientres que, a la contra, entraron n'Asturies 27.000 persones d'otros llugares del estáu, colo que, pa esto cásique tres años, hai un saldu negativu de 30.112 persones menos

El secretariu de Polítiques Actives d'Emplegu de CCOO, Manuel Couto Noriega, interpreta estos datos como que la economía asturiana nun ye a dar trabayu a tolos demandantes potenciales, mocedá los más d'ellos, y remembró sobre los datos del paru de xunu que, anque baxare'l paru, entovía hai 300 paraos más que va un añu, y qu'amás tola creación d'emplegu pasa pel sector servicios, que yá ta al tope.