Primeres rempuestes internacionales al temporal de Bolivia

"La Oficina pa la Coordinación d'Asuntos Humanitarios de Naciones Uníes (OCHA) pidió esti llunes más de 18 millones de dólares (12 millones d'euros) pa xestionar como ayudes a los cerca de 300.000 afectaos pol temporal en Bolivia.

Les fuertes lluvies producíes pol fenómenu de ""la niña"" tán causando gravísimes consecuencies na nación andina dende'l pasáu mes de payares. Hasta'l momentu 52 persones perdieron la vida demientres que munches comunidaes ven como la lluvia lleva les colleches por tercer añu siguíu. Tolos departamentos de Bolivia tán afectaos, pero los de Beni, Cochabamba y Santa Cruz lleven la peor parte con miles de hectárees perdíes poles inundaciones.

El Subsecretariu Xeneral p'Asuntos Humanitarios y coordinador d'Ayudes d'Emerxencia, John Holmes, afirmó que les persones más ""vulnerables d'una comunidá son siempre les más afectaes polos desastres naturales"". D'otru llau, espertos en meteoroloxía rellacionen esti tipu de fenómenos cola seca que ta viviendo'l continente européu."