Sobrescobiu y Cangues d'Onís siguientes na oficialización de la toponimia

"Los conceyos de Sobrescobiu y Cangues d'Onís van ser los siguientes n'oficializar la so toponimia tradicional. La Xunta Asesora de Toponimia del Principáu d'Asturies estudia yá lo conseñao nos respeutivos plenos pa entamar cola ellaboración del informe favorable que será emitíu nes próximes selmanes.

La Xunta aconceyó esti llunes pa recibir el dictame de los dos ayuntamientos asturianos, el siguiente pasu, ""si too va bien"", esplicó la direutora Xeneral de Política Llingüística, Consuelo Vega, va ser l'aprobación oficial por parte del Conseyu de Gobiernu del Principáu. Pendientes d'esti trámite tán dende la pasada lexislatura conceyos como Castrillón y Ayer.

""Preferimos facer esti trabayu col máximu alcuerdu colos conceyos, garantizando que s'acepten socialmente tolos términos y con procuru nel aspectu llingüísticu"", esplicó la direutora xeneral."