Laura González llamenta que la voz d'IU seya "censurada"

"La cabeza de llista al Congresu de los diputaos por IU-Bloque por Asturies-Los Verdes, Laura González, camienta que'l candidatu a la presidencia del PP, Mariano Rajoy, ""nun dio la talla"" demientres que'l candidatu del PSOE, José Luis Rodríguez Zapatero ""ganó con claridá"" nel alderique del llunes pela nueche, pesie a que'l presidente del Gobiernu plantegó un discursu ""ensin autocrítica dala"".

Nuna primer valoración, González dixo que Rajoy perdió con ""claridá"", confirmando asina que la drecha nun ye una alternativa de gobiernu al presentase con un discursu ""memorizáu, enllatáu y seguramente escritu por Acebes y Zaplana"". Dende'l so puntu de vista Rajoy nun val pa númberu ún ""como quedó amosao na crisis con Gallardón"". Asina Laura González declaró que ""Zapatero túvolo fácil énte un Rajoy apocalípticu"" y que de siguir esti pasu los socialistes podríen celebrar yá'l resultáu porque ""van camín de la mayoría absoluta"".

De toes maneres la candidata al congresu por IU-BA-LV nun perdió la oportunidá de criticar el formatu d'alderique que dexa fuera a les formaciones de calter más minoritariu, considerando que la voz del so partíu foi ""censurada"" pa ""evitar que la tercer fuerza política del país pueda espresar les sos opiniones y propuestes énte la sociedá""."