Mariano Rajoy acusa a Zapatero de facer de la nación "un conceutu discutible y discutíu"

"El candidatu del PP a la presidencia del Gobiernu, Mariano Rajoy, negó na nueche del llunes que José Luis Rodríguez Zapatero tenga una ""idea de la nación española"", qu'él definió como ""una nación de ciudadanos llibres ya iguales"", asina mesmo acusólu de nun saber ""onde diba"" cola reforma del Estatutu catalán.

Pela so parte'l candidatu del PSOE retrucó-y que'l Partíu Popular ""dedicóse a semar l'enfrentamientu"" nesta lexislatura con tolos asuntos pero ""sobre manera"" col catalán, ""glayando qu'españa ta a piques de frañase"", un anunciu de ""apocalipsis que nun llega"" porque dende que gobierna'l so partíu ""el país ta más uníu"".

L'Estatutu catalán y l'agua centraron gran parte del espaciu acotáu pa la Política Institucional ente los dos candidatos, siendo esti'l cuartu bloque d'un alderique que xuntó delantre les pantalles del televisor a más del 50% de l'audiencia.

Mariano Rajoy abrió'l so turnu d'intervención nesti bloque acusando a Zapatero d'entamar la lexislatura falando de la nación como conceutu ""discutible y discutíu"", abriendo asina ""un melón que naide pidía ensin afitar la so idea d'España"". Dende'l so puntu de vista'l PSOE ""enfrenta"" a les comunidaes autónomes en dellos temes como la reforma del Estatut que ""tien siete recursos d'inconstitucionalidá"" sorrayó.

D'otru llau'l candidatu a la presidencia del gobiernu pol Partíu Socialista, José Luis Rodríguez Zapatero"" acusó a la oposición de querer ""meter cizaña col catalán"" colo que ye, dende'l so puntu de vista, un interés de la drecha por ""semar l'enfrentamientu"". Per otra parte señaló que'l so gobiernu namás fizo por ""afondar nel Estáu de les Autonomíes"" faciendo asina más fuerte ""l'Estáu y España""."