El Centru Asturianu de Mallorca celebra'l "Día de les Illes Balears"

"Dientro de la celebración del ""Día de les Illes Balears"", el Centru Asturianu de Mallorca tien previstos una serie d'actos pa dar a conocer la cultura asturiana asina como pa vindicar la figura del asturianu Gaspar Melchor de Xovellanos cuando se cumplen 200 años del so encarcelamientu nel castiellu de Bellver.

Los actos van tener llugar durante los díes 29 de febreru y 1 y 2 de marzu na carpa llevantada nel paséu marítimu de Palma de Mallorca. Dientro d'esti espaciu el ""stand"" del Centru Asturianu de Mallorca cuntará cola actuación de la Banda de Gaites de Xixón al tiempu que reparte bayura de productos asturianos. La organización del alcuentru promete amás un ""tratu Vip pa los asturianos de la islla, con baille y sidra a esgaya"".

Esti añu'l Centru Asturianu de Mallorca cuenta cola collaboración del ""Foro Jovellanos"" na ellaboración de dellos materiales al rodiu de la figura Gaspar Melchor de Xovellanos."