Sos Racismu organiza una charra pol drechu al votu de les persones inmigrantes

"Sos Racismu Asturies organizará, el miércoles 27 de febreru a les 19.30 hores, una charra pol ""drechu al votu de les persones inmigrantes"". Na charra, na qu'intervendrá Isabel Martínez Luna, vocera de la organización na so estaya de Cataluña, enmárcase dientro de la campaña que Sos Racismu tien entamada col envís de reconocer el ""drechu al sufraxu activu y pasivu a toles persones inmigraes que vivan n'Asturies y tengan permisu de residencia permanente"".

Dende'l puntu de vista de la organización ""esti reconocimientu, supondría un avance importante a favor de la igualdá de drechos ente les persones, yá qu'equí viven, trabayen, rellaciónense y paguen los sos impuestos"". Asina mesmo manifiesten que ""nun podemos falar de democracia universal, nin d'auténtica integración, si se refuga'l drechu de votu a una parte de la población""."