Los ecoloxistes alvierten sobre les consecuencies del banzáu de Suarna

"La Coordinadora Ecoloxista d'Asturies espresa, pente medies d'una nota prensa, el so descontentu col proyeutu del banzáu de Suarna, na provincia de Lugo, instalación que dende'l so puntu de vista ""afectaría a los conceyos d'Ibias n'Asturies y Fonsagrada y Navia de Suarna en Lugo"".

El proyeutu cuenta llevantar una presa con un altor de 289 metros y una capacidá de 123 Hm3 con una cuenca aprovechada de 1065 Km2 y una central que taría asitiada na manzorga del ríu Suarna, en Fonsagrada, Lugo. Dende'l coleutivu ecoloxista denuncien les consecuencies negatives qu'esti nuevu embalse podría tener pa la cuenca del ríu Navia ""ríu que vien padeciendo dende hai años la presión de les empreses eléctriques sobre l'aprovechamientu de los sos recursos con tres grandes banzaos"".

Pala Coordinadora Ecoloxista esti tipu de construcciones arrastren una riestra de torgues como son ""la perda de tierres, en dellos casos protexíes, l'impactu nel paisax y les especies que nél viven y l'alteración del microclima"" Por too ello, la Coordinadora Ecoloxista d'Asturies piden la paralización d'esti tipu de proyeutos sobre una zona, la de la cuenca del ríu Navia, que ""vien sufriendo esti tipu d'amenaces dende hai tiempu""."