La Conseyería de Mediu Ambiente fai un apueste pol robecu L'Aramo

"La Conseyería de Mediu Ambiente y Desarrollu Rural robló un protocolu de collaboración coles sociedaes de cazadores de los conceyos de Quirós, Morcín, Riosa y L.lena, asina como otres empreses collaboradores, col envís de facer un proyeutu de recuperación de la población de robecos na Sierra L'Aramo.

Según se conseña nesti alcuerdu, la previsión ye lliberar hasta l'añu 2009 un total de 50 exemplares del Parque Natural de Somiedu. L'oxetivu ye que L'Aramo tenga otra vuelta la presencia de robecos que tenía, hasta'l puntu d'algamar una serie de poblaciones estables que permitan un posterior aprovechamientu cinéticu sostenible y un aumentu de la biodiversá de la zona.

El proyeutu presentáu esti xueves tien el preste de los espertos europeos, nacionales y autonómicos,como ye'l casu del Institutu de Recursos Naturales y Ordenación del Territoriu de la Universidá d'Uviéu, que fizo munchos estudios anteriores sobre la reintroducción del robecu p'analizar la evolución histórica de la especie y los sos ""hábitats"" más favoratibles."