El "drechu al albuertu" xunta en Xixón a más de mil persones

"Más de mil manifestantes percorrieron na tarde del xueves les cais de Xixón pa desixir la ""despenalización del albuertu"" y el ""drechu de la muyer a decidir sobre'l so propiu cuerpu"". Un total de cincuenta coleutivos yeren los convocantes d'una manifestación qu'axuntó organizaciones de muyeres, sociales, sindicales y polítiques.

Nel manifiestu, lleíu pola periodista Beatriz R. Viado n'asturianu, los coleutivos ficieron por manifestar ""el nuestru sofitu y solidaridá coles muyeres investigaes por exercer l'albuertu y colos y coles profesionales qu'hasta esti momentu lo ficieron posible"", al tiempu que-y desixíen al gobiernu resultante de les elecciones del 8 de marzu un ""compromisu claru y decidíu pa que l'albuertu se reconoza como un drechu, exercíu dende la llibre decisión de les muyeres y garantizáu na rede sanitaria pública"".

Los asistentes, que cantaron proclames como ""nun se ven los qu'albuerten del PP"", cargaron sobre manera colos que calificaron como ""estayes relixoses más fundamentalistes y les dreches polítiques ultraconservadores"", grupos a los que consideraron responsables de ""d'imponer el so modelu de familia patriarcal, qu'atenta escontra la llibertá de les muyeres y ta basáu nel control de la nuestra sexualidá""."