Activistes de Greenpeace llanten la bandera nel "New Flame"

"Activistes de Greenpeace xubieron al riscar l'alba del xueves al chatarreru ""New Flame"" pa llantar una bandera cola proclama ""Vertido diplomático"". Con esta aición los ecoloxistes quieren denunciar ""la incompetencia de les alministraciones españoles y gibraltareñes na igua del grave problema de contaminación de galipote que sufre la costa d'Algeciras"".

Los ecoloxistes añadieron que los gobiernos de dambos llaos ""lleven seis meses buscando culpables"" demientres que'l ""New Flame"" provocaba seis vertíos de combustible. ""En tou esi tiempu nun solucionaron el problema y el barcu tovía sigue siendo un riesgu potencial de nuevos vertíos (nel caberu d'ellos recoyéronse más de 70 tonelaes de residuos)"", sorrayó Greenpeace.

Asina, camentaron que'l casu del New Flame ye ""l'exemplu perfeutu de la contaminación crónica por hidrocarburos que soporta la costa d'Algeciras pol incumplimientu en Gibraltar de la normativa europea y la pasividá de les alministraciones españoles"". ""El Gobiernu nun fai nada por presionar a la EU y Gran Bretaña pa poder pone-y el puntu a esta catástrofe mediuambiental""."