Esther Fonseca presenta'l so discu "Viaxe" en La Felguera

"El vienres 22 de febreru, a les 20:15 hores, nel Teatru Nuevu La Felguera

Ente ""Agua"" y esti nuevu discu vense cambios, hai una llinia de continuidá pero tamién se reconoz un xiru. Ensin romper con brusquedá vese un apueste por un pop mui sutil con balaes, temes emotivos, íntimos y otros, más allegres y desenfadaos, pero toos con un nexu común ente ellos, con una llinia argumental que fai entender cada canción como un viaxe dientro d'otru viaxe. Pa esti ""Viaxe"", la cantante acompañóse de músicos de sonadía reconocida pa interpretar catorce canciones compuestes por Nacho Fonseca, fundador del grupu infantil Xentiquina.

El restu la banda fórmenla'l guitarrista Javier Monje, el percusionista Juanjo Díaz, l'arpista Yago Prado, el flautista Manuel Fonseca y el violonchelista Peter Bulla. Otres collaboraciones del discu tuvieron a cargu de Daniel Álvarez (gaita), Ramón González (saxu, tecláu), Tamara Rodríguez (cello) y Tina Cuadriello (acordión).

Dientro d'esti discu atópase amás el tema ""Negra"", ún de los nominaos al Premiu al Meyor Cantar n'Asturianu que se falla esti xueves na Casa Cultura Teodoro Cuesta de Mieres a les 20.30 hores."