El Garrapiellu proyeuta'l documental "Asturies, paraísu industrial"

"La Tertulia Cultural ""El Garrapiellu"", entama esti xueves 21 de febreru a les 19.30 hores, una charra-coloquiu nos locales de la ""Sociedad Cultural Gijonesa"" allugaos na cai Belmonte de Miranda 4 de Xixón. Nel actu va proyeutase'l documental ""Asturies, paraísu industrial"", primer llargumetraxe dirixíu por Koncha Rodríguez y Kela Coto. Amás nel actu intervendrá l'activista ecoloxista Antonio Rodríguez Dosantos, direutor del Grupu GREEN y editor d'AsturiasVerde.com.

Koncha Rodríguez, que yá tien dellos documentales como ""El Aparcamiento"" o ""La vida en corto"", diz que ""la ellaboración d'esti documental foi mui prestosa, porque al dir avanzando nel trabayu díbamos alcontrándonos con datos tan importantes como pa nun poder inoralos, sobre too no que cinca a los estraños argumentos que se dan a vegaes pa lluchar escontra del cambéu climáticu"".

Antonio Rodríguez Dosantos, pela so parte, espublizó hai poco ""Historias para mortales"", una recopilación de rellatos, dalgunos premiaos en certámenes lliterarios, que traten temes como la inmigración, la violencia de xéneru, la torna al pasáu pa liquidalu, los deseos obsesivos, les pantasmes que viven dientro d'ún y los que nos observen dende fuera. Obres escrites con un xeitu góticu y humor ácidu. L'autor esperimenta con estilos nuevos, como'l de les lleendes urbanes, con narraciones con un ritmu cuasi llíricu, como nel casu de ""Toda la verdad sobre puertas y portazos"", o cola utilización del xéneru de ciencia ficción pa contar un fábula sobre verdaes y mentires."