Llamazares quema una semeya de la Familia Real nun curtiu virtual

"El candidatu d'Izquierda Unida (IU) a la presidenta del Gobiernu, Gaspar Llamazares, quema al traviés del so avatar nel mundu virtual de ""Second Life"" una semeya de la Familia Real y un diploma qu'afita la so conocencia de cambéu climáticu de Mariano Rajoy. El curtiu animáu llámase 'Ensin IU nun soi nada' y la organización estrenólu esti miércoles nel so espaciu de YouTube.

Nel curtiu, de seis minutos de duración, apaez el candidatu del PP, Mariano Rajoy, mazcaráu como una ama de casa, fumando un puru y sintiendo música na radio. Nun momentu dalu, siéntense unes declaraciones de la conceyala del PP en Madrid, Ana Botella, al rodiu los matrimonios homosexuales.

""El matrimoniu ente homosexuales ye tratar de la mesma manera lo que ye diferente. Si se sumen dos mazanes, dan dos mazanes, y si se sumen una mazana y una pera nunca puen dar dos mazanes, porque ye que son componentes distintos. Home y muyer ye una cosa, ye'l matrimoniu, y dos homes y dos muyeres van ser otra cosa distinta"", sorraya la voz dende la radio.

Nel curtiu apaecen, amás de Mariano Rajoy y Gaspar Llamazares, Jose Luis Rodríguez Zapatero, que visita la casa de Rajoy p'afalagalu con un ramu roses."