Segunda selmana de la Fuelga de Xusticia

"Los Funcionarios de Xusticia siguen cola fuelga indefinida, que cumplió esti martes diez díes, dempués de fracasar la segunda xunta que los sindicatos, CCOO, CSI-CSIF, STAJ y UGT, tuvieron el llunes colos representantes del Ministeriu de Xusticia en Madrid.

El representante de CCOO, Ignacio Quintana, apuntó que'l Ministeriu de Xusticia conseñó otra xunta pal día de güei na que ""esperamos tener una solución pa esti conflictu"" que dura yá diez díes n'Asturies y doce n'otres comunidaes autónomes, sorrayó'l representante de CCOO.

N'Asturies tán paralizaos tolos xuicios, quitando los de causes con presos, y el Rexistru Civil tien yá ""graves retrasos"". Los funcionarios desixen una homologación salarial ente los muérganos de l'Alministración central y los que dependen de les comunidaes autónomes onde tienen competencies.

Los representantes sindicales espliquen qu'estes diferencies salariales puen algamar los 200 euros mensuales, lo que llega a 2.400 euros menos al añu pa los funcionarios de servicios non tresferíos."