Tejedor prepara'l so nuevu discu

Tejedor ta grabando estos díes en Donosti'l que va ser
nuevu trabayu de la banda.

Los hermanos Tejedor, Jose Manuel,.
Javier y Eva Tejedor, tan metíos nos estudios "Elkar" de Donosti pa
grabar el so segundu cd. El grupu llevaba tres años ensin sacar discu,
concretamente dende últimos de 1999 cuando espublizaron
"Texedores
de Suaños". Pa esta nueva aventura musical decidieron grabar nel
mesmu estudiu que pal discu anterior, principalmente porque ye un sitiu que
yá conocen y poles posibilidaes qu'ufierten estes instalaciones,
según nos comenta'l miembru del grupu Javier Tejedor. Esta vegada, los
Tejedor decidieron apostar
pola autoproducción del discu, al contrario que nel discu anterior onde
contaron cola participación de Phil Cunningham.


Según nos comentó Javier Tejedor, el discu va
mantener el soníu acústicu y l'estilu de folk que faen estos tres
hermanos, anque si qu'esta vegada van dir un poco a los estremos, acelerando y
faciendo más fuertes les canciones de ritmos más rápidos,
y aselando les más lentes. Tamién quieren qu'haya un mayor
númberu de composiciones propies, dexandó-yos espaciu, por
supuesto, a les melodíes tradicionales.

Pa la
grabación del discu cuéntase con una banda con músicos
de sobra conocíos na música asturiana, con Igor Medio de
"Felpeyu" nes guitarres y bouzouki, Horacio A. García de
"Ú?"
col baxu, Fernando Arias pa les percusiones y Ramón García,
ex-Balandrán, nos teclaos. Tamién como nel discu anterior, van
haber collaboraciones, nesti casu de músicos vascos y asturianos cuyos
nomes nun quisieron adelantanos.

Lo qu'inda nun ta
decidío ye con que compañía van espublizar esti cd,
anque sí que quieren que d'una forma o d'otra tea na cai pa
últimos d'abril o primeros de mayu.