Yá hai candidatos a Meyor Cantar

"Consuelo Vega, Direutora Xeneral de Promoción Cultural y Política Llingüística, fizo la llectura, na mañana del llunes, de los cinco finalistes al Premiu al Meyor Cantar en Llingua Asturiana. Estos son: ""Poema Inacabáu"" d'anabel Santiago, ""Nosh"" de Dulcama, ""Negra"" d'Esther Fonseca, ""Na mio barca"" d'Eskanda y ""Soncai"" interpretáu por Sonsai System.

Como yá adelantáremos díes atrás, la entrega de Premios tendrá llugar el día 21 de febreru na Casa de Cultura Teodoro Cuesta de Mieres, y nella daráse a conocer el nome de la obra ganadora. Ésta va recibir una escultura orixinal de Maria Xesús Rodríguez, asina como una dotación económica de 1.000 euros, amás del compromisu del Principáu d'esparder y promover esti cantar nos medios de comunicación y nos eventos entamaos o promovíos pol propiu gobiernu."