Les "Juventuts d'Esquerra Republicana de Catalunya" encadénense pa pidir la torna de los papeles de Salamanca

"Un grupu de les ""Juventuts d'Esquerra Republicana de Catalunya"" encadenáronse esti llunes en protesta polo que consideren ye una ""vergoña histórica"", n'alusión a los papeles catalanes, propiedá d'entidaes públiques y privaes, qu'entovía queden nel archivu salamanquín.

Gerard Coca, voceru de les JERC, criticó direutamente a Jose Luis Rodríguez Zapatero polo que camienta ye un incumplimientu de la llei qu'él mesmu promulgara, ""nun cumple nin cola so propia llei"" sorrayó. A xuiciu de Coca, ye impensable que n'Europa ""un botín del réxime fascista nun seya tornáu a los sos lexítimos propietarios"".

Nel archivu de la Guerra Civil de Salamanca atópase documentación relativa a toles comunidaes d'España, sicasí l'alderique la surdió nel 2004 n'Asturies al rodiu de la posible torna de los papeles asturianos, valoraos nunes 700 caxes, finó cola negativa de tolos grupos políticos presentes na Xunta Xeneral de facer cualesquier tipu de reclamación."