Fidel Castro renuncia a la Presidencia, dempués de cuasi mediu sieglu

"Fidel Castro renuncia a la Presidencia de Cuba, según anunció él mesmu nun mensaxe espublizáu nel diariu Granma.Les razones qu'espón son "" que yá llegó'l momentu de postular y escoyer al Conseyu d'Estáu, al so presidente, vicepresidente y secretariu"". ""Yera abegosa la mio posición énte un alversariu que fizo lo imaxinable por llibrase de mi y nun me gusta nada tener que da-y la razón"" afirmó, refiriéndose a los problemes de salú, ""conociendo'l mio estáu, muncha xente de fuera pensaba que la renuncia provisional al cargu de presidente del Conseyu d'Estáu el 31 de Xunetu de 2006, que dexé nes manes del primer vicepresidente, Raúl Castro, yera la definitiva""

Castro fala del llabor de preparación del so hermanu, diciendo que yera la so obligación ""preparalu pa la mio falta, sicolóxica y políticamente, dempués de tantos años de llucha. Nunca dexé de dicir que yera una recuperación con torgues"" confesó. ""El mio deséu foi siempre cumplir col deber hasta l'últimu aliendu. Ye lo que puedo ufrir"".

Poniendo'l ramu al llargu mensaxe'l mandatariu cubanu finó diciendo ""Nun me despido d'ustedes. Namás quiero lluchar como un soldáu de les idees. Voi siguir escribiendo baxo'l títulu ""Reflexiones del compañero Fidel"". Será un arma más del arsenal cola que podrá cuntase. A lo meyor se siente la mio voz. Voi dir con procuru""."