Valencia podría contar con un centru asturianu

Un grupu d'asturianos na capital del Turia intenta establecer un nuevu centru asturianu, que vendría a complenmentar al de Benidorm pa la parte de la Comunidá Valenciana. La idega salió d'un grupu de cuatro asturianos que, a últimos del añu pasáu, organizaron un primer alcuentru pa ver cuantos asturianos vivién en Valencia. Aquella convocatoria axuntó a cuarenta persones, y pa la siguiente que ficieron, el 24 de xineru, l'asistencia llegó a más cien persones, un ésitu que llevó al grupu qu'entamó los conceyos a seguir alantre cola creación del centru. Nestos momentos tan escribiéndose los Estatutos que permitan dase d'alta nos rexistros d'asociaciones. Otramiente, los responsables del futuru centru tuvieron yá contactu col Conseyu de Comunidaes Asturianes, que tan orientándolos sobre los pasos llegales a seguir y que tamién-yos apurrieron unos materiales básicos.