Uviéu 0 - Tenerife 2

Anque parecía llevar traza d'iguase, l' Uviéu sigue ensin salir del pozu. La defensa más endeble de segunda tragó el sábadu énte la xente de casa otros dos goles que ponen otru clavu na caxa del equipu. Lo más duro pa los carbayones foi que l'artífice del trunfu visitante foi Iván Ania, antiguu xugador azul que marcó'l primeru y sirvió'l segundu del tenerife. Les espulsiones de David Cano y de Paredes tamién ficieron por fundir al Uviéu.