Presentación del quintu númberu de la "Revista de Filoloxía Asturiana"

"El Departamentu de Filoloxía Hispánica de la Universidá d'Uviéu, presenta güei el quintu númberu de la ""Revista de Filoloxía Asturiana"", publicación especializada nel estudiu de la filoloxía asturiana en toles sos estayes y atendiendo tanto al asturianu como al gallegu - asturianu.

L'actu va tener llugar dende les 19.30 hores nel aula Magna del Edificiu Históricu y va tar presidíu pol rector, Juan Vázquez, la direutora xeneral de Promoción Cultural y Política Llingüística, Consuelo Vega, el direutor d'Ediciones Trabe, Inaciu Iglesias, y el secretariu de la publicación, Xulio Viejo Fernández.

La revista foi ellaborada por un grupu d'estudiu del Seminariu de Filoloxía Asturiana de la Universidá d'Uviéu y ta compuesta por delles seiciones: ""Estudios"", empobinada a los artículos más llargos, y ""Notes"", que recueye intervenciones más curties, amás tien testos y documentos inéditos, novedaes biblográfiques y noticies ya informaciones referíes a la disciplina filolóxica.

La edición de la revista correspuende a la editorial Alvízoras Llibros en comuña con Ediciones Trabe. Asina mesmo ta financiada con suscripciones particulares y aportaciones de centros académicos y otres instituciones."