"Podemos rexistrar el semestre más secu de los últimos 60 años"

"El Direutor Xeneral de l'Axencia Estatal de Meteoroloxía, Francisco Cadalso, adelantó qu'España pue rexistrar el semestre hidrolóxicu más secu de los últimos 60 años, non siendo que se rexistre, d'equí a final de mes, una media de 20 llitros por metru cuadráu, dalgo colo que nun se cuenta.

L'añu hidrolóxicu entamó'l pasáu mes d'ochobre y el primer semestre va cumplise al final de febreru. ""Dende'l mes d'ochobre hasta agora namás llovió un poco más de la metá de lo que tendría de facelo"", aseguró Cadalso tres la inauguración de la nueva Axencia Estatal de Meteoroloxía, en presencia de la ministra de Mediu Ambiente, Cristina Narbona, que recordó que dende'l 2005 rexístrense n'España los datos más ""severos"" de tola historia de los rexistros.

En concretu, el valor mediu de lluvies foi de 177 milímetros nesti periodu cuando debería ser de 136 milímetros. ""La bona noticia ye que pesie la sequedá, caltiénse la garantía de suministru d'agua pa usu humanu, y el Gobiernu sigue trabayando p'amenorgar los efeutos de la sequedá nes zones de riegu"", añadió."