Cómic n'asturianu en Sama

"Del 18 de febreru al 7 de marzu, la Sala d'Esposiciones de la Casa la Cultura de Sama va acoyer les obres escoyíes y premiaes nel V Concursu de Cómic n'Asturianu de la Comarca la Sidra. El xuráu d'esti quintu concursu decidió axudica-y el premiu al dibuxante Alfonso Zapico Fernández pola obra titulada ""Les Cuentes de Gasparín"".

Alfonso Zapico, (Blimea, 1981) ye una de les realidaes con más sonadía del cómic asturianu. Diseñador gráficu, trabaya, n'otros campos como'l de la ilustración na editorial Edelvives, pa la que tien iguaos 9 llibros de testu de primaria y secundaria. De los premios consiguíos por esti artista rescampla sobre manera'l que llograra esti añu na feria FestiBd, en Ville de Moulins, Francia, al meyor trabayu de calter históricu, pol so álbum ""La Guerra Del Profesor Beltenev"". Esti álbum publicóse en Francia, Bélxica, Suiza y Canadá países nos que tamién asoleyó l'álbum ""Un día de mayu"" n'andecha con otros autores.

Anguaño ta trabayando nuna novela gráfica, ""Café Budapest"", que va espublizase pal añu que vien. N'asturianu, ye tamién l'autor de la serie ""Manolita Pulgarcita"" qu'apaez en ""El Gomeru"""