Kosovo será independiente pesie a la negativa servia

"El primer ministru serbiu, Vojislav Kostunica, almitió ayeri per primer vez que la inminente perda de la histórica provincia de Kosovo ye una realidá, anque prometió que'l país nunca lo va aceptar. La mayoría albanesa de Kosovo va proclamar la so independencia'l domingu cola promesa de ser reconocida per parte d'Occidente, anque ensin l'aprobación de Naciones Xuníes.

Nesti sen, el mandatariu aseguró que la so coalición yá preparó un documentu p'anular preventivamente ""un actu de declaración d'independencia de Kosovo"". ""Esta decisión confirma la unidá nacional total"", dixo Kostunica, qu'añadió que lo que va ocurrir el domingu ye una ""grave violación del Drechu Internacional"".

Pela so parte, l'axencia estatal de noticies serbia Tanjug publicó que los embaxadores serbios en Francia, Alemania y Gran Bretaña van dexar esos países en señal de protesta dempués de que reconozan el próximu llunes al nuevu Estáu.

""Serbia tien el drechu y Serbia va dar pasos concretos pa probar que Kosovo ye parte de Serbia"", aseguró amás Kostunica nuna conferencia de prensa. Amás, ún de los cabezaleros del Partíu Radical, Tomislav Nikolic, llamó a Kostunica y al presidente, Boris, Tadic, a organizar una gran protesta escontra la independencia de Kosovo na capital la selmana próxima."