Xulio Arbesú, ganador del "Xosefa Xovellanos"

La selmana pasada la Conseyería de Cultura entregó-y a Xulio Arbesú Rodríguez, pola obra "Protestas" el premiu "Xosefa Xovellanos" de novela n'asturianu 2.002, mientres que'l conocíu escritor y articulista Pablo Antón Marín Estrada llevó'l premiu "Xuan María Acebal" pol llibru de poemes "Los baños del Trévere". Dambos premios tienen una dotación de 6.000 euros y la espublización de la obra a cargu de la Conseyería.

Pablo Antón Marín Estrada ye conocíu del públicu polos sos artículos en selmanariu Les Noticies y pola so obra lliterario, lo mesmo en poesía que en prosa, estaya en que ganó va dos años el premiu "Abril" de narrativa, mientres que Xulio Arbesú, natural de Samartín del Rei Aurelio, ye un escritor más nuevu que tien espublizáu un llibru pa neños entituláu "Operación Pelayo" dientro de la colección "Lliteratura Xuvenil" de l'Academia de la Llingua.

Nun queda entera esta información ensin remembrar que la Conseyería declaró desiertos los premios «Fuertes Acevedo» d'ensayu y el «Alejandro Casona» de textos teatrales.