Los sindicatos sofiten la clase na cai de La Xunta

"La iniciativa qu'hai unos díes plantegaba la Xunta pola Defensa de la Llingua de poner clase na cai, ta alcontrando sofitu nos sindicatos d'enseñanza d'Asturies que, pente medies d'un comunicáu de prensa, denuncien ""la sistemática vulneración de la Llei d'Usu pola alministración que debería d'encargase de facela respetar"" .

Los sindicatos van más allá nes sos crítiques sorrayando que ""les contradiciones de l'alministración nun son inxenues y pretenden eliminar del rexistru cultural la llingua asturiana"". Amás, y faciendo burlla del Presidente del Principáu, Vicente Álvarez Areces, declaren que ""ende que'l presidente'l Principáu desfiló pela Quinta Avenida les coses entamaron a dir permal. Los osos americanos paecieron-y meyor que los d'equí y traxeron a Yogui, paeció-y too tan grande que lo d'equí antoxóse-y ruín y pueblerín"". Poniéndo-y el puntu al comunicáu animando a tol mundu a sumase a la iniciativa de la Xunta pola Defensa de la Llingua Asturiana.

La convocatoria ye pal sábadu 16 de febreru a la una la tarde na Plaza de la Escandalera d'Uviéu."