"Muéyate cola llingua" en L.lena

"El Conceyu de L.lena, al traviés del Serviciu de Normalización Llingüística, llanza la segunda campaña pa la hostelería col fin de que la llingua asturiana tea presente nes rellaciones sociales de los y les ciudadanes. Esta campaña cuenta con una subvención de la Conseyería de Cultura y Turismu de 2000€, y cuenta repartise'l material durante los meses de febreru y marzu.

Dende'l Serviciu de Normalización de L.lena camienten que ""ún de los sectores onde la normalización del asturianu xuega un papel mui importante ye nel sector socioeconómicu"" polo que "" el trabayu de dignificación de la llingua asturiana que se pue facer nesti ámbitu, ye de gran valir a la hora d'afitar la normalización social del asturianu"".

""Muéyate cola Llingua"" ye la continuación de la campaña ""Equí tas en Casa"" que se repartió l'añu pasáu y tuvo una mui buena acoyida ente'l sector. Esti añu va facese repartu per tolos chigres del conceyu de serviyeteros (serigrafiaos con un poema d'Andrés Solar), posavasos, carteles publicitarios de la campaña y pegatines pa les máquines de tabacu relatives a la normativa vixente.

La campaña va facese conxuntamente con dellos de los conceyos que formen la Rede de Normalización Llingüística nos Conceyos, como son: Siero y les Mancumunidaes del Cabu Peñes y de la Sidra, intentando con ello ""llograr una mayor efectividá y visibilidá de la campaña"", potenciando asina mesmo ""l'usu del asturianu na imaxe pública del sector""."