Palu pa les llingües minorizaes en Francia

Los diputaos franceses tan acabante de dicir que non a la posibilidá d'enxertar les llingües minorizaes que se falen en Francia na constitución gala. Una propuesta n'Asamblea de los representantes de la coalición de derechesUMP que pretendía modificar l'artículu 2 de la constitución de Francia, que diz que "l'idioma de Francia ye'l francés" pa da-yos entrada al breton, al vascu el catalan, el corsu y l'alsacianu, al través de la fórmula "dende'l respetu a les llingües rexonales que son parte del so patrimoniu", pero nun hubo alcuerdu. Los 39 votos al favor nun pudieron cola negativa de los 50 representantes de la n'asamblea que votaron en en contra. Anque'l proyectu tenía'l sofitu de representantes de tol arcu parllamentariu, dientro de tolos partíos hebo opiniones estremaes. Ente los que s'opunxeron taba'l ministru de xusticia Dominique Perben, que dixo que nun podía confundise'l debate cultural col políticu. Llama l'atención la postura del presidente de la comisión de lleis de la UMP, partíu que presentaba la iniciativa, que dixo que "l'idioma de Francia nun pue ser otru que'l francés". Más información nesti enllace