Hipótesis sobre'l desastre del Prestige

El desastre del petroleru Prestige anecia en nun marchar de les portaes de los periódicos, y la gran mancha de cerca d'once mil tonelaes de galipote sigue amenazando la yá castigada costa de Galicia. Mientres el gobiernu niega tener culpa nenguna nel accidente, la prensa internacional culpa directamente a les autoridaes españoles de nun ser quien a remanar lo que yá ye'l mayor desastre mediuambiental del continente européu dende lo de Chernobyl, y la marina francesa vien güei a da-yos la razón a los portugueses, qu'anunciaron que'l galipote seguía saliendo del barcu a la superficie.

Aparte de la información que pue alcontrase nos periódicos, apurrimos un enllace bien gráficu y interesante de ver d'una serie d'animaciones feches por un programa informáticu especializáu d'una empresa portuguesa dedicada al estudiu de dinámiques de fluidos sobre los posibles movimientos de la marea negra del Prestige, con mapes dinámicos que dan posibles destinos de la mancha de petróliu al tenor del vientu y les marees.

Per otra parte, ofrecemos-yos pa descargar a los nuestros llectores un especial de semeyes sobre'l desastre del barcu en formatu pps (presentación de power point) pa descargalu, calcar col botón derechu del mur y marcar "guardar destín como".