Pol Imperiu hacia la rede

Ente les iniciatives del PSOE pa sacar alantre la Sociedá de la Información y les Nueves Tecnoloxíes, la verdá ye que hai coses que nun dexen de llamar l'atención. La última ye solicitá-y al ICANN la creación d'un dominiu .his qu'arreye toles páxines web del mundu hispanu, yá seyan peninsulares o ultramarines. La iniciativa panhispanista del senador socialista Félix Lavilla tien entusiasmaos a los representantes del PP que anque curiosamente, rechazaron la primer propuesta que se-yos presentó nesti sentíu, apoyen a gora un testu nuevu. Eso si, en respetu a la diversidá, habría subdominios "provinciales", quedando la cosa en sufixos dobles tipo .his.es y coses asemeyaes.