El ríu del plombu

Depués d'años de pesca del salmón y d'otres especies, el fondu del Riu Sella ta tresmáu de plombinos de los que se ponen nes cañes de pescar. Como metal pesáu que ye, el plombu ye ún de los materiales más contaminantes que suelen alcontrase nos ríos. L'Asociación Océano Alfa,
dedicada a la difusión, conservación y Investigación del mediu, ta echando a andar el proyectu Ríu
Sella 2002, que se fai col oxetivu de
recuperar los plombos que tan nel
fondu del ríu Sella y a investigar en
materiales alternativos pa sustituyir esti metal.

La cosa entamó na seronda del 2.001, cuando la productora de documentales The Animal's House taba rodando un documental nel ríu y l'equipu de grabación decatose de la cantidá de plombu qu'había metía en ríu. Anguaño, los responsables del proyectu tienen terminada la primer
fase, consistente nel estudiu d'allugamientu, sedimentación
y espardimientu del plombu, alcontrando qu'hai efectivamente hailo a mamplén. El plombu nun hai más manera de sacalo que a mano,
nun procesu que da muncha guerra en cuantes que depués d'un tiempu, los plombinos queden tapaos faciendo capes que enterraes en mediu metru de basa y arena. La organización cuenta pal llabor con un equipu de xente especializao, pero cualquier persona interesada en collaborar puede ponese en contactu con ellos al través d'esti web onde s'esplica tol proyectu con vídeos incluyíos y nel qu'ofrecen una pequeña preba a ver si somos capaces a estremar el plombu de la piedra, que nun ye tan fácil