"Térmica de Corvera Non" aconceya esti xueves en Les Vegues

"Esti xueves a les 19.30 nel Centru Tomás y Valiente de Les Vegues en Corvera, va tener llugar la primer xunta abierta al públicu de la Iniciativa Ciudadana escontra la térmica que tienen previsto llevantar nesti conceyu asturianu: "Térmica de Corvera Non".

El proyeutu, consistente en dos grupos térmicos de gas dependientes de la empresa ISBI, cuenta asitiase na población de Nubleo, concretamente ente Nubleo y Cancienes, nos terrenos que comprara la compañía Dupond y que yá tienen un aprovechamientu de tipu industrial. Asina mesmo ""Térmica de Corvera Non"" denuncia'l fechu de qu'esti allugamientu atópase mui averáu a la Reserva Ecolóxica de La Furta, espaciu protexíu de gran interés sobre manera pola so población de páxaros.

L'estropiciu mediuambiental qu'a xuiciu de la iniciativa ciudadana podría tener una instalación industrial d'esti tipu, motivó los primeros recursos presentaos por delles organizaciones ecoloxistes y sociales. El refugue de los mesmos da pie a una campaña de concienciación ya información ciudadana qu'espeya na creación de la Iniciativa ""Térmica de Corvera Non"", integrada yá por partíos políticos, asociaciones de vecinos y coleutivos ecoloxistes."