UNIDÁ presenta en Xixón una moción anti taurina

"El voceru de la coalició UNIDÁ nel conceyu de Xixón, Pablo Rodríguez Alonso, presenta esti xueves a les 16.30 nel Rexistru Xeneral del Ayuntamientu de Xixón, una moción anti taurina col envís de qu'esti ayuntamientu se declare contrariu a les práutiques nes que se procuren malos tratos a los animales.

Esta moción, roblada yá por 45 conceyos n'España, ente los que s'atopen Coslada o Barcelona, pretende evitar l'atentáu escontra los principios básicos de los animales que, dende'l puntu de vista de la formación, suponen les corríes de toros.

UNIDÁ cuenta presentar la mesma moción n'otros conceyos asturianos, pa esparder asina lo que pa ellos ye una ""defensa de los valores tresformadores"" que suponen el respetu de los drechos de los animales per enriba de los que disfruten con espeutáculos d'esi tipu."