La Conseyería de Cultura comprométese a crear un nuevu Serviciu de Normalización en Corvera

"La Conseyera de Cultura y Turismu, Encarna Rodríguez Cañas, asina como dellos miembros del so equipu, conceyaron esti miércoles col alcalde de Corvera, Jose Luis Vega, pa tratar temes rellacionaos coles aiciones del conceyu nel ámbitu cultural. La Conseyera aprobó la creación d'un nuevu Serviciu de Normalización Llingüística arrelláu a la Casa de la Llingua de Corvera, asitiada nel parque Europa de Les Vegues.

Al empar la Conseyería de Cultura y Turismu, al traviés de la so conseyera, comprometióse a remocicar la vieya casa conceyu de Corvera, allugada en Nubleo, col oxetivu de camudala nun archivu municipal con un espaciu d'usos múltiples.

Rodríguez Cañas y José Luis Vega trataron, asina mesmo, aspeutos de la meyora de delles instalaciones deportives del conceyu, como'l campu fútbol de La Marcaniella y la piscina de Les Vegues."