Telefónica cacipla con datos particulares

Que la rede ye un mediu poco discretu onde los datos de caún pueden acabar en manes de cualquier empresa o entidá interesada en machacanos a propaganda o saber más de nosotros ye una cosa que se da por fecha. Que les grandes empreses de telecomunicaciones caciplen colos datos personales de los sos abonaos sábese tamién de va tiempu. Que Telefónica-y venda una base de datos d'abonaos a una empresa belga entra dientro lo posible, y ye hasta llegal. Pero que la empresa belga los ponga nun web onde podemos consultalos toos yá ye de traca. Y lo más gordo ye que la páxina onde tan estos datos complementa a la de la mesma telefónica. Esplicámonos: nos servicios de Páxines blanques o marielles de Telefónica tenemos que dar los datos del abonáu que buscamos pa dar col númberu, mientres que nesti otru web nun tenemos más que dar el númberu de teléfonu pa que darréu salgan los datos personales del abonáu ¿parezvos que ye cuentu? Probáilo.Sicasí, la base de datos que tienen los belgues ye antigua. Nun apaecen los abonaos más de recién a Telefónica y, por supuesto, los abonaos d'otres compañíes como Telecable tampoco nun salen.