Europa subvenciona'l cereal asturianu

Un conxuntu de particulares de la Pola L.lena tan acabante de recibir una subvención de 100.000 euros (16 millones seiscientes mil antigües pesetes) con cargu a los fondos Proder de la UE pa echar a andar un proyectu que consiste en facer nuna antigua sierra de La Frecha una planta pa procesar escanda y pa ponelo en mercáu. L'antiguu ceral asturianu, anguaño cásique desaniciáu, tien una producción mui pequena pero que tien mui bona salida, pagándose a precios d'alredor de seyes euros el kilu pa facer pan con ello, polo que muncha xente ta volviendo a semar escanda en cuenta d'otres especies que traen menos cuenta, una tendencia que de momentu nun pasa de lo simbólico pero que yá tien el sofitu del Serviciu de Desarrollu Agrícola Asturianu