La FSA-PSOE de "puerta a puerta"

"El cabeza de llista del PSOE al Congresu por Asturies, Álvaro Cuesta, esplicó nel día d'ayeri la intención del partíu de que 4.000 afiliaos y voluntarios entamen a facer una campaña ""puerta a puerta"" a lo llargo'l territoriu d'Asturies.

Asina quedó espuesto nuna rueda de prensa que Cuesta dio n'Uviéu y na que tuvo acompañáu pola responsable de Movilización del Comité Electoral, Adriana Lastra, pa presentar una nueva páxina web de campaña de la FSA-PSOE y el plan de movilización pa la precampaña y la campaña electoral.

Los 4.000 axentes eleutorales va percorrer los distintos puntos d'Asturies pa esplica-yos a la xente les polítiques del Gobiernu socialista y cómo estos espeya n'Asturies. ""Hai una xestión que fala por nós"", dixo Lastra, al tiempu que señalaben la presencia d'estos ""axentes"" en países como Arxentina, México ya inda Estaos Xuníos."