La Xunta pon clase d'asturianu na cai

"La Xunta pola Defensa de la Llingua Asturiana tien convocao, pa esti sábadu 16 de febreru, una clase d'asturianu na cai, concretamente na Plaza la Escalerona d'Uviéu. Dende la Xunta manifiesten que la convocatoria ye una rempuesta al ""despreciu col que la Conseyería d'Educación trata al asturianu"", sorrayando asina mesmo que l'oxetivu ye poner escuela pa deprender ""unes nociones básiques del nuesu idioma, como debiere facese en toles escueles"".

Sicasí nun va ser esti l'únicu actu que la Xunta pola Defensa de la Llingua entame como denuncia a la ""actual situación de la escolarización n'asturianu, onde rescamplen de contino casos d'ataques al idioma"", en concreta referencia a la competencia d'horariu na asignatura de llingua asturiana y llingua de señes y a la presentación del currículu d'Educación Infantil, onde ""traten otra vuelta al asturianu como una llingua de cuarta categoría"".

Nun ye la primer vegada que la Xunta pola Defensa de la Llingua entama esti tipu d'iniciativa pa denunciar la situación de la llingua nel ámbitu educativu y social. Yá nos años 80 escritores como'l desapaecíu Andrés Solar, organizaben ya impartíen estes clases a cielu abiertu nes que se convida a tol mundu, sobre manera a la xente que d'otra manera nun s'averaría al llingua, a participar."