Llariegu gana'l campeonatu de bandes

El domingu confirmóse lo que taba en munches quinieles, la
victoria de la banda de gaites Llariegu nel Campeonatu nacional de bandes de
gaites.

Anque con daqué de ventolera, qu'estropió en dalgunos
casos l'actuación de les bandes, el tiempu respetó la
celebración del campeonatu. La primera n'actuar foi
"Llariegu",
que volvió a demostrar que taben a un bon nivel interpretando fragmentos
de pieces como la xota de remis o el fandangu puntiáu, too eso con una
perbona afinación y un solu de percusión de gran calidá
qu'incluyo l'usu hasta de tarrañueles. Esto fizo que la banda ganara

tamién el premiu a la meyor percusión, en competencia mui
reñida con la banda qu'acabó en segundu llugar,
"Villaviciosa-El gaitero/Ribesella", que presentó una
numberosa banda que tamién tuvo a bon nivel, qu'usó amás
de les caxes d'alta tensión, un tambor tradicional asturianu lo que dio
al solu de percusión una perspectiva diferente al restu de bandes.

El tercer puestu tuvo ente "La Reina del
Truébano"y "La
Tayuela de Mecer", esta última foi la banda ganadora del premiu
a meyor estética, lo que debió permitir a esta superar finalmente
a "La Reina del
Truébano".
Les demás bandes dexaron un bon sabor de boca, sobre too
"Xácara" qu'entamen a amosar el trabayu que vienen faciendo
de va poco p'acá y "Candás" qu'esperaben un meyor puestu. N'últimu llugar quedó
"Corvera" que baxó enforma con respeutu a l'añu
pasáu.

D'equí a poco podremos nesta sección podréis ver un
pequeñu álbum de semeyes del Campeonatu.